هدا جهدي كلمات بقلم الزجال الشاعر محمد الزرواني
كنت عطشان
ؤ نزلتي علا
هاد القلب
كيف الما
من السما
فرحات جدوري
ؤ رجاعت ليها
الرحمة
كنت بغيت
فروعي معاك
تحيا
ؤ تزيد تطوال
شجرتنا
ؤ تسكن فينا
طيور من الجنة
ؤ ف كل ليلة
كنت ناوي
نحكي ليك
قصة
ؤ نهديك من قاع
هاد البير جغمة
يروى بيها عطشك
ؤ تعودي وردة
قصتي معاك
ما كانت غا تبقا
هنا
الولف صعيب
يا بنت الشان
والهمة
حالك ضرير
ما عرفتي
معنى
هدا جهدي
لوصية ليك
انموت انا
ؤ تبقا ليك
كلمة
الي ينوي يغرس
يطمع بنقطة من الندى
راه ربي كريم
قادر بعد النشاف
ايجيب الشتاء
بقلم الزجال : محمد زرواني
الطير الحر
Commentaires
Enregistrer un commentaire