يا مراكبي كلمات الشاعر مجاهد المصري
...............
يامراكبي فين سفينتي
مش لا قيها
يامراكبي فين حبيبتي
انا سايبها ساكنه فيها
هو موج البحر
هادي ولا عالي
قولي سفينتي راحت
فين مجاريها
يامراكبي كنت سايبك
انت امين عليها
سكت المراكبي
ولا كلمة رد بيها
والدموع ماليه عنيه
ومش قادر يجاريها
قالي حبيبتك مش حبيبتك
وحبك انت خسارة فيها
ليه يامراكبي بتقول كده
ده انت شفت حبي
بيلمع في عنيها
فاكر صورتي معاها
وايدي ماسكه في ايديها
قالي دايما البدايات
بتكون أجمل م النهايات
ومش اي واحدة تثق فيها
ليه يامراكبي انت
شفت حاجه عليها
قالي البعيد عن العين
بعيد عن القلب
قلت يا مراكبي قلي
الحقيقة ولا عني تداريها
شايف في عنيك
حاجه بتحاول تخبيها
قالي حبيبتك خدها
واحد قدر يجاريها
ضحك عليها بالكلام
الحلو والغزل فيها
غلبها بالكلام والقول
وقدر يا ابني يحتويها
لما تسيب وردتك
وتبعد وبالميه ما ترويها
لازم تشوف غيرك
وتدور على ال يسقيها
قصدك ايه يا مراكبي
قالي هقولك حكمة
يا ابني وتعمل بيها
اوعي تسيب زهرتك جافة
لتهجر يوم اراضيها
حوط على ال ليك
وبالحب والود راضيها
ليوم تهجر عشها
وتدور عليها ما تلاقيها
............................
الشاعر / مجاهد المصرى
عاشق البنفسج
Commentaires
Enregistrer un commentaire