صابر يا دنيا والله كريم كلمات الشاعر محمد بلاط
.................
صابره يا دنيا وقلبك قاسى صابره وشايله الحمل اثنين
شايله هموم بحواية فوق راسى وحزن فى قلبى ودمع فى عين
...
صابره يا دنيا وعوزى حكمنى وحكم القاضى صبح مش زين
الاعدام والسجن لأبنى من غير ذنب بقالوا سنين
...
علشان حقه خد الاعدام اطلب حقى يا ناس من مين
تاه الحق فى دنيا ظلام وشايله الهم بقالى سنين
...
صابره يا دنيا وقلبك قاسى هم الناس منصب و كراسى
ما اهتموش بعجوز بيقاسى ولا دمعة فى عنين يتيم
...
صابره يا دنيا صابره يا دنيا صابره يا دنيا بقالى سنين
شايله هموم بحواية فوق راسى وحزن فى قلبى ودمع فى عين
...
صابره يا دنيا صابره يا دنيا صابره يا دنيا والله كريم
..........................
بقلم محمد البلاط
Commentaires
Enregistrer un commentaire