عيش يل قلبي ونسا كلمات الشاعر الزجال الطير الحر محمد الزرواني

عيش يا قلبي ونسا

شحال وصيتك يا قلبي
وانت عكسي تابع لهوى

قلت لك هاد الغابة
عامرة دياب وانت نعجة

أموحش الولف
وانت ما تهز حتى طرشة

فين ما كانت لمصايب
ليها تجي تكحز كي لعما

اسمعني يا لهبيل لا تخرج للشتا
قلبك انقي ما فيك صدى 

مالك نية يا قلبي
الولف راه غابة مغولة

انت تفرش ليه كساتك 
ؤ هو على ظهرك يتنشوة

عيبو قريب اياكلك لحلاوة
ؤ يرمي عظمك ف لخلا

عيش ياقلبي بقلب بارد 
ؤ الولف غير تخطاه ونسا
  
عيش يا لهبيل حر
ؤ دير الهم ف الشبكة

اصبر  للزمان يوريك
غرايب النسا

شوف ف لعلالي
لا طييح راسك ف حفرة 

راه الراشي ايطيح
ؤ الصحيح يبقا

بقلم الزجال : محمد زرواني 
                   الطيرالحر