كن تراثنا... على دلعونا كلمات الشاعر ياسين مصطفى بكري
تاليف ياسين مصطفى بكري...
**********
نادَت عَلَيه حتى تحاكيني
قالت يا روحي ويا حبة عيني
يا هوى إستنى بدي توَديني
آخذ حبيبي أسمر اللونا
*********
قالت بحِبَك والشاهد ربي
بحبي لغيره ما بدي أشكي
طلعنا عالجبل وعيوني تبكي
طَوَل حبيبي ما عنا علوما
*********
يسعِد صباحَك ساكِن بالحارة
كُلَك لطافة ورقة وشَطارة
مع إني سمرا وعندي إدارة
عيوني من سحرك صاروا يشكونا
*********
عالنهر العاصي طلعنا تَنِسبح
عيونك بُنية ولقلبي تجرح
قلبي نداكم لحتى يفرح
اسمَر مكحول وقلبه حانونا
*********
على دلعونا عطر شَعراتي
البسمة مِنَك تِنقذ حياتي
مَحبوبي الغالي شايف حلاتي
مَيل علينا نغني دلعونا
*********
على دلعونا شفته بالعَتمة
عيونه سحرتني ما عنده رحمة
من عُطره الشامي شَممني شَمة
دوخني شَهِر صاروا يحكونا
********
تحياتي...ياسين مصطفى بكري..
Commentaires
Enregistrer un commentaire